జీవోఎంఎస్110ని పునరుద్ధరణ చేయాలి

 జీవోఎంఎస్110ని పునరుద్ధరణ చేయాలి

పాచిపెంట,పెన్ పవర్ 

గతంలో రాష్ర్టా ప్రభుత్వం అమలు చేసిన జీవో నెం 110ని పునరుద్ధరణ చేయాలని సర్పంచులు మరియు పంచాయతీ కార్యదర్శులు కోరారు. మండల కేంద్రంలో మంగళవారం స్థానిక ఎంపిడివో కార్యాలయం ఎదుట ధర్నా చేసి నిరసన తెలిపారు. ఈ సందర్భంగా పంచాయతీ కార్యదర్శుల సంఘం అధ్యక్షులు కనకల ఆదినారాయణ మాట్లాడుతూ జీవో నెం 2ని రద్దు చేసి జీవో నెం 110ని అమలు చేసే విధంగా రాష్ర్టా ప్రభుత్వం చర్యలు తీసుకోవాలని కోరారు. కొత్త జీవో 2 వలన గ్రామ పంచాయతీ కార్యకలాపాలకు ఆటంకం కలుగుతుంది అని అన్నారు. అనంతరం స్థానిక ఎంపిడివో జి. రామారావుకు వినతిపత్రాన్ని అందజేశారు. ఈ కార్యక్రమంలో సర్పంచులు, పంచాయతీ కార్యదర్శులు పాల్గొన్నారు.