కోవిడ్ నేపథ్యంలో జాగ్రత్తలు పాటించాలి

 

కోవిడ్ నేపథ్యంలో జాగ్రత్తలు పాటించాలి
-- ఎమ్మార్వో శ్రీనివాసరావు

అనకాపల్లి , పెన్ పవర్

ప్రభుత్వం ప్రజా సేవలను ప్రజల ఇంటివద్దకే అందించాలనే యోచన తో ముందుకెళ్తుందని  జనం రెవెన్యూ సేవలకై తహసిల్దార్ కార్యాలయానికి రానక్కర్లేదని ఎమ్మార్వో శ్రీనివాసరావు పేర్కొన్నారు. అవసరమైతే తప్ప కార్యాలయాం చుట్టూ ప్రదక్షిణలు చేయొద్దని సూచించారు. శనివారం ఆయన మాట్లాడుతూ ప్రజలకు పలు అంశాలపై సూచనలు చేశారు. ప్రభుత్వం ఇస్తున్న చేయూత పథకానికి సంబంధించి కుల దృవపత్రం కోసం విరివిగా దరఖాస్తులు వచ్చాయన్నారు. సచివాలయం కి దరఖాస్తు చేసుకుంటే అక్కడ నుంచి నేరుగా తమ కార్యాలయానికి వచ్చేస్తుందని వాటిని ఉన్నతాధికారుల ఆదేశాల మేరకు తామే నేరుగా పరిశీలించి ఇస్తున్నామన్నారు. దరఖాస్తులు ఎక్కువవడం సేవల్లో జాప్యం అవుతున్న నేపథ్యంలో మధ్య సిబ్బంది ప్రమేయం లేకుండా తామే నేరుగా నిర్వహించేలా కలెక్టర్ స్థాయి అధికారులు చర్యలు చేపట్టినట్లు వెల్లడించారు. ఇసుక అక్రమ తవ్వకాలను ప్రభుత్వం సీరియస్గా తీసుకున్న నేపథ్యంలో మండలం లో ఎక్కడా ఇసుక తవ్వకాలు లేకుండా పర్యవేక్షిస్తున్నామనారు. ఇటీవల గ్రామంలో సీజ్ చేసిన ఇసుక నిల్వలో కొంతమేర తగ్గిందన్నా అదేమీ పెద్ద సమస్య కాదన్నారు. భూ సర్వే లో ప్రభుత్వానికి చెల్లించిన చలనాల ప్రకారమే క్రమపద్ధతిలో నే సర్వేలు చేస్తున్నారు. కాని పక్షంలో ఎవరైనా ఫిర్యాదు చేస్తే పరిశీలించి చర్యలు తీసుకుంటామన్నారు. ప్రభుత్వ భూములను ఎక్కడ ఆక్రమణకు గురి చేసినా తన దృష్టికి తీసుకురావాలని తెలిపారు. ప్రస్తుతం కోవిడ్ దృశ్య జనం అత్యవసరమైతే తప్ప కార్యాలయంకు రావద్దని పేర్కొన్నారు. పాజిటివ్ గా నిర్ధారించిన రోగులకు సరైన ట్రీట్మెంట్ ఇస్తున్నారో లేదో అన్న కోణంలో తాను ఐసోలేషన్ కేంద్రాన్ని  ఎపటికప్పుడు పర్యవేక్షిస్తూనట్లు తెలిపారు. ప్రజలందరూ మాస్క్ ధరించడం వంటి ప్రభుత్వ సూచనలు తప్పక పాటించాలన్నారు.