ఎంపీడీవో ఎస్ ఐ హెచ్చరిక

మాడుగుల మండలంలో స్వచ్ఛంద లాక్ డౌన్ పాటించాల్సిందే

ఎంపీడీవో ఎస్ ఐ హెచ్చరిక

వి మాడుగుల (పెన్ పవర్)

 స్వచ్ఛంద లాక్ డౌన్ ను  అందరూ పాటించాలని  లేనిపక్షంలో చర్యలు తీసుకుంటామని ఎంపీడీవో పోలినాయుడు  ఎస్ ఐ రామారావు తహసిల్దార్ రామశేషు హెచ్చరించారు. మండలంలో కరోనా కేసులు పెరుగుతున్న నేపథ్యంలో స్వచ్ఛంద లాక్ డౌన్ చేయాలని  తహసిల్దార్ రామశేషు ఎస్ ఐ రామారావు వ్యాపారుల నిర్ణయం తీసుకోవడం జరిగిందన్నారు. ఈ మేరకు శుక్రవారం ఉదయం ఆరు గంటల నుంచి 12 గంటల వరకు మాత్రమే మండలంలో దుకాణాలు తెరిచి ఉంటాయన్నారు. ఆ తరువాత తెరిచి ఉంచినట్లు గుర్తిస్తే కఠిన చర్యలు తప్పవన్నారు. మాడుగుల గ్రామంలో తప్పనిసరిగా నిబంధనలు అమలు జరగాల్సిందే అన్నారు. ఏ ఒక్కరూ పాటించకపోయినా తగిన మూల్యం చెల్లించక తప్పదు అన్నారు. ఇంతవరకు మండలం గ్రీన్ జోన్ లోనే ఉందన్నారు. ఇటీవల పొంగలిపాక వచ్చిన మిలటరీ జవాన్కు పాజిటివ్ రావడంతో విశాఖ తరలించారు. విశాఖ నుంచి మాడుగుల ఆస్పత్రికి విధులకు వస్తున్నా స్టాఫ్ నర్సు కూడా పాజిటివ్ సోకింది. కానీ స్థానికంగా ఎవరికి కరోనా పాజిటివ్ రాలేదన్నరు. కానీ రిజిస్టర్ కార్యాలయంలో పని చేస్తున్న మహిళ కోవిడ్ లక్షణాలతో మృతి చెందడం ఆందోళన కలిగిస్తుంది అన్నారు. ఆమెతో ప్రైమరీ కాంటాక్ట్ అయినా వారు కరోనా మహమ్మారి కి బలి అయ్యే పరిస్థితి నెలకొందన్నారు. బ్యాంకు మేనేజర్లు నిబంధనలు తప్పక  అమలు చేయాలన్నారు. హ్యాండ్ మైక్ ల ద్వారా కస్టమర్లను అప్రమత్తం చేస్తూ  రోజుకు 200 టోకెన్లు మాత్రమే సేవలందించాలని కోరారు. టోకెన్ల విషయంలో గ్రామ వాలెంటెర్ల సహకారం తీసుకోవాలన్నారు. మృతురాలు ఇంటి పరిధిలో 200 మీటర్లు కంటోన్మెంట్ జోన్   500 మీటర్లు బఫర్ జోన్ గా   గుర్తించి పారిశుద్ధ్య కార్యక్రమాలు నిర్వహిస్తున్నామన్నారు. సబ్ రిజిస్టర్ కార్యాలయం పరిధిలో కూడా   నిబంధనల మేరకు చర్యలు తీసుకుంటామన్నారు.