కరోనా పట్ల మండల ప్రజలు అప్రమత్తంగా ఉండాలి

కరోనా పట్ల మండల ప్రజలు అప్రమత్తంగా ఉండాలి- రాజవొమ్మంగి తాసిల్దార్

 

రాజవొమ్మంగి,పెన్ పవర్ 

 

రా జవొమ్మంగి మండలం తూర్పు ఏజెన్సీ ప్రాంతమైన రాజవొమ్మంగి మండలంలో కరోనా విజృంభిస్తున్న  నేపథ్యంలో ప్రజలు అప్రమత్తంగా ఉండాలని స్థానిక తాసిల్దార్ వై వి సుబ్రహ్మణ్యం ఆచారి కోరారు. 
రోజురోజుకు కరోనా బాధితులు  పెరుగుతున్నారని అనవసరంగా రోడ్లపైకి వచ్చి  వైరస్ పట్ల బాధితులు కాకూడదు అన్నారు.  నిర్ణీత సమయంలో దుకాణాలు తెరచి ఉంటాయని ఇంటికి ఒకరు చొప్పున బయటకు మాస్కు ధరించి వచ్చి  నిత్యవసర వస్తువులు కొనుగోలు చేసుకోవాలని స్థానిక ఎస్ఐ బి వినోద్ విజ్ఞప్తి చేశారు. వ్యాపారస్తులు దుకాణాల వద్ద సామాజిక దూరం పాటించేలా సర్కిల్ ను ఏర్పాటు చేయాలని, తప్పనిసరిగా శానిటైజర్ ఉపయోగించాలని ఎస్ ఐ వినోద్ అన్నారు.  11 గంటలు దాటినతర్వాత అనవసరంగా రోడ్లపైకి వస్తే చట్టరీత్యా చర్యలు చేపడతామన్నారు. ఈ కార్యక్రమంలో   వైసీపీ యువ నాయకులు కనిగిరి వీరబాబు, సిహెచ్ ప్రసాద్, ఈగల జ్ఞానేశ్వర్, వర్తకులు ఉన్నారు.