నిరుపేదలైన మగవారిపై అధికారులకు ఎందుకు చిన్నచూపు

నిరుపేదలైన మగవారిపై అధికారులకు ఎందుకు చిన్నచూపు..

ఇంటి స్థలం మంజూరు కాకపోవడంతో ఆవేదన.

పోలవరం పెన్ పవర్

ప్రతి పేదవాడికి సొంతిల్లు  అనేది ఒక కల . ఆ కల నెరవేర్చుకోలేని స్థితిలో మన రాష్ట్రంలోని అనేక మంది నిరుపేదలు ఉన్నారు. వారందరికీ సొంతింటి కల నెరవేర్చేందుకు ప్రతిష్టాత్మకంగా రాష్ట్ర ముఖ్యమంత్రి వైయస్ జగన్మోహన్ రెడ్డి ఇళ్ల స్థలాల పంపిణీ కార్యక్రమం చేపట్టారు. అయితే భార్య లేదన్న కారణం చేత తన పేరును అర్హుల జాబితాలో తొలగించారని పోలవరం మండలం స్థానిక గ్రామానికి చెందిన బొల్లంపల్లి యేషయ అనే వ్యక్తి ఆవేదన వ్యక్తం చేశారు. నీకు అన్ని అర్హతలూ ఉన్నా  స్థలం రిజిస్ట్రేషన్ ఆడవారి పేరు మీద మాత్రమే అవుతాది మగవారి  పేరు మీద అవ్వదు అని  చెప్పడంతో దిగ్భ్రాంతి చెందాడు. భార్య లేక పోతే నేమ్ పిల్లలతో అద్దె ఇళ్లల్లో జీవనం సాగిస్తున్నానని నిరుపేద నైనా నాకు అన్ని అర్హతలు ఉండి కూడా ఇంటి స్థలం నాకు ఎందుకు మంజూరు చేయలేదు అని అధికారులు ప్రశ్నిస్తున్నారు. రాష్ట్ర ప్రజల సంక్షేమం కోసం అనేక సంక్షేమ కార్యక్రమాలు ప్రవేశ పెడుతున్న రాష్ట్ర ప్రభుత్వం మగ వారి పట్ల ఇంత చిన్నచూపు ఎందుకు అని బొల్లంపల్లి యేషయ ప్రశ్నిస్తున్నారు. ఎన్నో ఏళ్ళగా అద్దె ఇళ్లల్లో జీవనం సాగిస్తున్నామని భార్య లేని మగ వారి పేర్లను కూడా అర్హుల జాబితాలో చేర్చి ఇంటి స్థలం మంజూరు చేయాలని సంబంధిత అధికారులను కోరారు. రాష్ట్ర వ్యాప్తంగా తమ వంటి భార్య లేని నిరుపేద కుటుంబాలు కేవలం 1 , 2 శాతం మాత్రమే ఉంటారని వారందరినీ  గుర్తించి ఇల్లు స్థలాలు మంజు అయ్యేలా ప్రభుత్వం నిర్ణయం తీసుకోవాలని కోరారు. రాష్ట్ర ముఖ్యమంత్రి వై.ఎస్ జగన్మోహన్ రెడ్డి నిరుపేదల అందరికీ ఇళ్ల స్థలాలు మంజూరు చేస్తామని చెప్పగానే సొంతింటి కల తీరబోతుంది ఆని ఎంతో ఆనందించాలమని ఆడవారి పేరు మీద మాత్రమే ఇంటి పట్టాలు ఇస్తాం మగవాడి పేరుమీద ఇవ్వం అనేసరికి ఆవేదనకు గురి అయ్యామని అన్నారు. కరోనా ప్రభావంతో నాలుగు నెలలుగా పనులు లేకపోవడంతో జీవనం సాగించడం ఎంతో కష్టంగా ఉందని ఇంటి అద్దె  కట్టుకోవడం కష్టమైపోతుంది అని ఆన్నారు.  రాష్ట్ర ప్రభుత్వం, సంబంధిత అధికారులు స్పందించి మాకు ఇంటి స్థలాలు మంజూరు అయ్యేలా చర్యలు తీసుకోవాలని కోరారు. కరోనా ప్రభావంతో నాలుగు నెలలుగా  పనులు లేక జీవనం సాగించడంమే ఎంతో కష్టంగా ఉందని  అన్నారు .