పారిశుద్ధ్య పనులు పరిశీలిస్తున్న ఎంపిడిఓ

పారిశుద్ధ్య పనులు పరిశీలిస్తున్న ఎంపిడిఓ

 ఆత్రేయపురం,పెన్ పవర్

 ఆత్రేయపురం గ్రామంలో కరోనా కేసులు పెరుగుతున్న దృష్ట్యా ప్రజలంతా అప్రమత్తంగా ఉండాలనీ, అవసరమైతే తప్ప ఎవరూ బయటకు రావద్దనీ, బయటకు వచ్చినప్పుడు తప్పనిసరిగా మాస్క్ ధరించాలనీ ఆత్రేయపురం ఎంపీడీఒ నాతి బుజ్జి అన్నారు.  గ్రామంలో ఉన్న షాపులు కూడా ప్రభుత్వ నిర్దేశించిన సమయాలలోనే తెరవాలనీ, షాపుల ముందు కస్టమర్లు భౌతిక దూరం పాటించేలా చూసుకోవాలన్నారు.గ్రామంలో పారిశుధ్య పనులను పరిశీలించి, సిబ్బందికి తగు సూచనలు చేసారు.  సచివాలయ సిబ్బంది, గ్రామ వాలంటీర్లు, పారిశుధ్య సిబ్బంది కూడా విధులు నిర్వహిస్తున్నప్పుడు తప్పనిసరిగా కరోనా రక్షణ చర్యలు తీసుకోవాలన్నారు. ప్రజలంతా సహకరించాలన్నారు. ఈ పరిశీలన లో పంచాయతీ విస్తరణాదికారి శ్రీనివాస్, కార్యదర్శులు గంగూలీ, సమీర్, మహిళా పోలీసులు,  సత్యనారాయణ, పారిశుధ్య సిబ్బంది ఉన్నారు.