కోవిడ్ పరీక్షల సమయంలో సిబ్బంది జాగ్రత్త వహించాలి

కోవిడ్ పరీక్షల సమయంలో సిబ్బంది జాగ్రత్త వహించాలి..,!డిప్యూటి కలెక్టర్ సుబ్బలక్ష్మి సూచన.          

సామర్లకోట,పెన్ పవర్

 కోవిడ్ పరీక్షలు జరిపే సమయంలో శాంపిల్స్ సేకరించే సిబ్బంది,అత్యంత జాగ్రత్త వహించాలని జిల్లా డిప్యూటి కలెక్టర్,సామర్లకోట కోవిడ్ ప్రత్యేక అధికారి సుబ్బలక్ష్మి అన్నారు.సామర్లకోట పట్టణం లో పలు విషయాలు పై పరిశీలనకు విచ్చేసిన సందర్భంగా ఆమె రెండు అర్బన్ హెల్త్ సెంటర్లు,సామాన్య  ప్రభుత్వ ఆసుపత్రి ,మున్సిపల్ కార్యాలయాలను సందర్శించి పలు అంశాలపై సమీక్షించారు.ఈ సందర్భంగా ఆమె మాట్లాడుతూ అర్బన్ హెల్త్ సెంటర్ లలో పనితీరు సక్రమంగా ఉండటం లేదు అని ఫిర్యాదులు వస్తున్నట్టు చెప్పారు.ఈ విషయం లో సిబ్బంది వారి పనితీరును మార్చుకోవాలని అన్నారు.అలాగే వచ్చిన రోగి పరిస్థితిని అంచనా వేసి అత్యవసరమైన వారికి పరీక్షలు ముందుగా అందించాలన్నారు.వచ్చిన రోగి పరిస్థితి విషమంగా ఉంటే వారిని స్థానికంగా ఉన్న అంబులెన్స్ లో కాకినాడకు మెరుగైన వైద్య సేవల కోసం పంపించి ఆ సమాచారాన్ని ఉన్నత అధికారులకు అందించాలి అన్నారు.కాగా ప్రధానంగా కోవిడ్ పరీక్షలు నిర్వహించే సిబ్బంది అత్యంత జాగ్రత్తగా వ్యవహరించాలన్నారు.కాగా స్థానిక మున్సిపల్ కార్యాలయాన్ని డిప్యూటి కలెక్టర్ సుబ్బలక్ష్మి సందర్శించారు.ఈ సందర్భంగా కార్యక్రమంలో వివిధ అవసరాల పై  వచ్చిన ప్రజలు గుంపులు గొంపులుగా కనిపించడంతో అధికారులు పై ఆమె తీవ్ర ఆగ్రహం వ్యక్తం చేశారు.వచ్చిన ప్రజలు సామాజిక దూరాన్ని పాటించే విధంగా క్యూ లైన్లు ఏర్పాటు చేయించి వారి పనులను త్వరితంగా పరిష్కరించి పంపించాలని అధికారులు సిబ్బందిని ఆదేశించారు. కరోన కట్టడి చేసేందుకు అందరూ పూర్తి సహకారాన్ని అందించాలి అని ఆమె ఈ సందర్భంగా విజ్ఞప్తి చేశారు.కాగా కోవిడ్ నియంత్రణకు పట్టణ పరిధిలో తీసుకుంటున్న చర్యలను డి ఇ ,సిహెచ్ రామారావు ను అడిగి తెలుసుకుని ఆమె పలు సూచనలు చేశారు.అలాగే స్థానిక ప్రధాన సామాన్య ఆసుపత్రిని ఆమె సందర్శించి వైద్య సిబ్బందికి ప్రజలు కు అందించే వైద్య సేవలపై పలు సూచనలు చేశారు.ఈ కార్యక్రమంలో ఆమె వెంట తహిసల్దార్ వి జితేంద్ర,మున్సిపల్ డిఇ రామారావ,సానిటర్ ఇన్స్పెక్టర్ రాజశేఖర్, వైద్య సిబ్బంది ఉన్నారు.