కరోనా బృతిని చెల్లించాలంటూ హమాలీల ధర్నా

కరోనా బృతిని చెల్లించాలంటూ హమాలీల ధర్నా

            సామర్లకోట, పెన్ పవర్    

 

కరోనా లాక్ డైన్ ప్రారంభం నుంచి నేటి వరకు ఐ ఏం ఎల్ కార్మికులు మంగళవారం ధర్నా కార్యక్రమాన్ని నిర్వహించారు.ఈ కార్యక్రమానికి ముఖ్య అతిధులుగా సిఐటియు మండల ప్రధాన కార్యదర్శి టి నాగమణి,ఉపాధ్యక్షులు బాలం  శ్రీనివాసులు విచ్చేసి పాల్గొన్నారు. ఈ సందర్భంగా వారు మాట్లాడుతూ గత నాలుగు నెలలుగా కరోనా కారణంగా హమాలీ కార్మికులు అంతా ఉపాధి కోల్పోయినందున ఆ నెలలకు సంబంధించిన నెలకు రూ. 10 వేలు చొప్పున బృతిని చెల్లించాలి అని ప్రభుత్వాన్ని డిమాండ్ చేసారు.ప్రభుత్వం చేసిన రూ. 5 వేలు సహాయాన్ని   మొత్తం  రికవరీ చేయాలని చేస్తున్న వైఖరిని వారు ఖడించారు.దానిని ఉచిత సహయంగానే పరిగణించాలని అన్నారు.నూతన మద్యం పాలసీ వలన హమాలీలు జీవన భృతి కోల్పోతున్న oదున వారిని ప్రభుత్వం నాల్గవ  తరగతి ఉద్యోగులుగా గుర్తించాలని వారు కోరారు.ఈ సందర్భంగా ప్రభుత్వ విధానాలకు వ్యతిరేకంగా వారు నినాదాలు చేసి నిరసన వ్యక్తం చేశారు.ఈ ధర్నా లో హమాలీల సంఘo అధ్యక్షక కార్యదర్శులు నాళం సత్యనారాయణ, విశ్వనాదుల అప్పలరాజు, నాయకులు బి.ఆదినారాయణ,పి ఏడుకొండలు, వి గోవిందు, బి.భాస్కరరావు, బి.శ్రీనివాస్, తదితరులు పాల్గొన్నారు.