గుల్లాపల్లి ఇండస్ట్రియల్ గ్రోత్ సెంటర్ పరిశీలించిన కలెక్టర్

గుల్లాపల్లి ఇండస్ట్రియల్ గ్రోత్ సెంటర్ పరిశీలించిన కలెక్టర్ 

10 ఎక్స్పోర్ట్ కంపెనీలను నడిపేందుకు అనుమతులు జిల్లా కలెక్టర్ పోల భాస్కర్ 

(పెన్ పవర్ స్టాఫ్ రిపోర్టర్, ఒంగోలు) 

రాప్రభుత్వం లాక్ డౌన్ లో సడలింపులు ఇవ్వడంతో శనివారం సాయంత్రం జిల్లా కలెక్టరు డా.పోల భాస్కర్ మద్దిపాడు మండలంలో గల ఇండస్ట్రియల్ గ్రోత్ సెంటర్‌ను పరిశీలించారు. గ్రోత్ సెంటర్ లో సుమారు 10 ఎక్స్పర్టు కంపెనీలకు రన్ చేసుకోవడానికి అనుమతులు ఇవ్వడం జరిగిన దృష్ట్యా అక్కడ పనిచేసే కార్మికులు సామాజిక దూరం, సానిటైజేషన్ పాటిస్తున్న అంశాలను ఆయన పరిశీలన చేశారు. ఇండస్ట్రియల్ గ్రోత్ సెంటర్ లో ఎంట్రీపాయింట్ లోనే కార్మికులు ధరిస్తున్న మాస్కు , సానిటైజేషన్ చేపడున్న అంశాలను కలెక్టరు పరిశీలన చేసి సంతృప్తి వ్యక్తం చేశారు. సడలింపులో అనుమతులు ఇచ్చిన పరిశ్రమలు వాటి అనుబంధ యూనిట్ల విభాగాలు ఎలా నడుస్తున్నాయి. కార్మికులకు అందిస్తున్న సదుపాయాల గురించి ఏ.పి.ఐ.ఐ.సి జనరల్ మేనేజరు నరసింహారావును అడిగి తెలుసుకున్నారు. గ్రోత్ సెంటర్ లో రాక్ ఫర్ ఎవర్ ఐ.ఎన్.సి కంపెనీని కలెక్టరు పరిశీలించారు. యూనిట్‌లో గ్రానైట్ రాయి కటింగ్ ప్రాసెసను పరిశీలించారు. మల్టీ వైర్ లో గ్రానైట్ రాయి కటింగ్ క్రొత్త టెక్నాలజి గురించి యూనిట్ జనరల్ మేనేజర్ పి.వెంకట్రావు జిల్లా కలెక్టరుకు వివరించారు. తమ యూనిట్ ద్వారా గ్రానైట్ కటింగ్ చేసిన 30ఎం.ఎం, 20ఎం.ఎం వాటిని యానైటెడ్ కింగ్ డమ్, యూరప్ దేశాలకు ఎగుమతి చేస్తున్నామని, రా మెటీరియల్ ను తెలంగాణా, ఒరిస్సా నుండి తెచ్చుకోవడం జరుగుతున్నదన్నారు. రాక్ ఫర్ ఎవర్ ఐ.ఎస్.సి కంపెనీలో 140 మంది కార్మికులకు గాను ప్రస్తుతం 40 మంది కార్మికులతో నడపడం జరుగుతున్నదని కలెక్టరుకు వివరించారు. కంపెనీలో కార్మికులు పనిచేసే చోట భద్రత విషయంలో అలాగే భౌతిక దూరం పాటించేలా, సానిటైజేషన్ ఖచ్చితంగా అమలు పరుస్తున్నామని కలెక్టరుకు వివరించారు. జిల్లా కలెక్టరు వెంట మద్దిపాడు తహశీల్దారు బాబ్స్, క్వాలిటీ కంట్రోల్ సూపర్ వైజర్ ఆంజనేయులు, గ్రానైట్ కటింగ్ ఇన్ చార్జి కిరణ్ కిషోర్, తదితరులు వున్నారు.