పాత్రికేయులకు నిత్యావసర సరుకులను అందించిన పైలా

పాత్రికేయులకు నిత్యావసర సరుకులను అందించిన  పైలా   

 

            వి.మాడుగుల, పెన్ పవర్:

 

లాక్ డౌన్ కష్టాల నుంచి అదిగమించేందుకు వివిధ వర్గాలకు సాయపడుతున్న పైలా ప్రసాదరావు సేవలు అభినందనీయమని మాడుగుల మోదకొండమ్మ అమ్మవారి ఆలయ చైర్మెన్, తెలుగుదేశం నాయకులు పుప్పాల అప్పలరాజు అన్నారు. మాడుగుల నియోజకవర్గ తెలుగుదేశం నాయకులు పైలా ప్రసాదరావు ఆర్ధిక సహకారంతో శుక్రవారం మాడుగుల ప్రాంత పాత్రికేయులకు నిత్యావసర సరుకులను పుప్పాల చేతుల మీద పంపిణీ చేసారు.  5 కిలోల వంటనూనె, 2 కిలోల కందిపప్పు, 2  కిలోల చక్కెర, 2  కిలోల ఉప్మా రవ్వ, 2  కిలోల గోధుమ పిండితో కూడిన నిత్యావసర వస్తువులను అందజేశారు. ఈ సందర్భంగా పైలా అందిస్తున్న సేవలను స్థానిక నేతలు అభినందించారు. పైలా సేవలను స్ఫూర్తిగా తీసుకుని గ్రామ, మండల స్థాయి నేతలు నిరుపేదలను ఆదుకోవాలని అన్నారు ఈ కార్యక్రమంలో  సీనియర్ టీడీపి నాయకులు పాలకుర్తి శ్రీనివాసరావు, ఆళ్ళ శివ, ఆళ్ళ సంతోష్, బోడా అప్పారావు, దాలి బాబు, చిటికిరెడ్డి జగ్గారావు తదితరులు పాల్గొన్నారు.