లాక్ డౌన్ అమల్లో పోలీసుల పనితీరు బాగుంది

లాక్ డౌన్  అమల్లో పోలీసుల పనితీరు బాగుంది

 

-- అడిషనల్ డీజీపీ సునీల్ కుమార్

 

అనకాపల్లి, పెన్ పవర్ 

 

లాక్ డౌన్ ను పోలీసులు పక్కాగా అమలు చేయడం లో సక్సెస్ అయ్యారని అడిషనల్ డిజిపి పి.వి సునీల్ కుమార్ పేర్కొన్నారు. వారికి ప్రజల నుంచి కూడా చక్కని సహకారం అందించడం తోనే అది సాధ్యపడింది అన్నారు. బుధవారం అనకాపల్లి లో నిర్వహించిన సమావేశంలో ఆయన మాట్లాడారు. కరోనా వ్యాధి నివారణకు లాక్ డౌన్ లోడ్ పక్కాగా అమలు చేయడంతనే ఎదుర్కోగలం అని సూసూచించారు. ప్రజల ప్రాణాల కోసమే ప్రభుత్వం ఈ విధమైన నిర్ణయం తీసుకుందని దీన్ని అందరు సమైక్యంగా దీనిని మరింత పకడ్బందీగా పాటించి ఈ వ్యాధిని తరిమి కొట్టాలన్నారు.  కరోనా వైరస్ నియంత్రణ లాక్  డౌన్ అమలు మూడు జిల్లాలలో  బావుందన్నారు. అనకాపల్లి  మండలం కన్నూరు పాలెం వద్ద కొత్తగా చెక్ పోస్ట్ ఏర్పాటు చేసినట్లు వెల్లడించారు. అనకాపల్లి  డి.ఎస్.పి  ఆధ్వర్యంలో ఈ చెక్ పోస్ట్ పనిచేస్తుందనారు. గ్రామీణ ప్రాంతాల ప్రజలు స్వీయ నియంత్రణ పాటించి తమకు బాగా సహకరిస్తున్నారని పేర్కొన్నారు. 

మూడు జిల్లాల పోలీసుల పని తీరుపై ఎటువంటి ఫిర్యాదులు లేవనారు. ఆకతాయిలు రోడ్డుపైకి అనవసరంగా వస్తే కేసులు నమోదు తప్పదన్నారు. ప్రజల ప్రయోజనాల కోసమే అంటువ్యాధుల చట్టం ప్రకారం కేసు నమోదు ఉంటాయన్నారు. 188 ఐ పి సీ  , 269ఐ పి సీ, 270 ఐ పి సీ,  తదితర చట్టాలను అమలు చేస్తున్నామనారు. సమావేశంలో డిఎస్పీ శ్రావణి, సి.ఐలు భాస్కరరావు, నరసింహారావు, ఎస్. ఐ లు రామకృష్ణ తదితరులు పాల్గొన్నారు.