ఘనంగా మహాత్మా జ్యోతిరావు పూలే జయంతి :
జాతీయ అక్షరాస్యతా దినంగా పూలె జయంతి
జిల్లా కలెక్టర్ డా.హరి జవహర్లాల్
విజయనగరం, పెన్ పవార్ : డేవిడ్ రాజ్
మహాత్మా జ్యోతి రావు పూలే జయంతి సందర్బంగ జిల్లా కలెక్టర్ డా.హరి జవహర్లాల్ కలెక్టరేట్ వద్దనున్న మహాత్మా పూలే కాంశ విగ్రహానికి శనివారం పూల మాలలు వేసి ఘనంగా నివాళులర్పించారు . పక్కనే ఉన్న మహాత్మా పూలే సతీమణి సావిత్రీ భాయ్ పూలే చిత్రపటానికి పూలమాలంకరణ గావించారు. అనంతరం కలెక్టర్ మాట్లాడుతూ మహాత్మా జ్యోతి రావు పూలే జయంతి రోజును జాతీయ అక్షరాస్యతా దినంగా జరుపుకోవాల్సిన అవసరం ఉందన్నారు . ఈ సందర్బంగా ఏ.పి బి.సి సంక్షేమ ఉపాధ్యాయ శాఖ ప్రతినిధులు బి.సి భవన నిర్మాణం చేపట్టాలని కలెక్టర్ కు వినతి పత్రాన్ని అందించారు. కలెక్టర్ స్పందిస్తూ బీసీ భవన నిర్మాణానికి స్థలాన్ని గుర్తించడం జరిగిందని మంత్రివర్యులతో చర్చించి త్వరలో పనులు ప్రారంభిస్తామని అన్నారు .అదే విధంగా వచ్ఛే ఏడాది పూలే జయంతి లోపల సావిత్రి భాయ్ పూలే విగ్రహాన్ని కూడా పక్కనే ఏర్పాటు చేస్తామని తెలిపారు . వసతి గృహాలలో సౌకర్యాలను మెరుగు పరచాలని బిసి ప్రతినిధులు కోరగా సానుకూలంగా స్పందిస్తూ ప్రభుత్వానికి సిఫార్సు చేస్తామని తెలిపారు . ఈ కార్యక్రమం లో బీసీ సంక్షేమ శాఖాధికారి డి.కీర్తి , బిసి సొసైటీ ఈ.డి నాగరాణి, జిల్లా అటవీ అధికారి లక్ష్మణ రావు, ఎస్.సి సొసైటీ ఈ.డి జగన్నాధ రావు, బీసీ సంఘం ప్రతినిధులు ముద్దాడ మధు, వెంకట రావు , రామారావు ఉద్యోగ సంఘ ప్రతినిధి పొట్నూరు భాస్కర రావు, బీసీ ఉపాధ్యాయ ప్రతినిధులు తదితరులు పాల్గొన్నారు.
No comments:
Post a Comment