కొత్తవారు ఎవరైనా వస్తే సమాచారం ఇవ్వండి : జిల్లా కలెక్టర్

 

 

విజయనగరం, పెన్ పవర్ 

 

గ్రామాలు, పట్టణాల్లోకి ఇతర ప్రాంతాల నుండి కొత్తవారు ఎవరైనా వచ్చినట్లయితే సంబంధిత సమాచారాన్ని గ్రామ సచివాలయానికి అందజేయాలని జిల్లా కలెక్టర్ డా.ఎం.హరిజవహర్ లాల్ తెలిపారు. ఇతర జిల్లాలు, రాష్ట్రాల నుండి వచ్చిన వారు తమ పేర్లు నమోదు చేసుకోవాలని కోరారు.  కరోనా నిరోధించడంలో అందరి సహకారం అవసరమని, ఈ సమాచారం యంత్రాంగానికి ఎంతో కీలకమని పేర్కొన్నారు. కొత్తగా వచ్చిన వారి వివరాలు దాచి ఉంచకుండా తెలియజేస్తే వారికి ఆరోగ్య తనిఖీలు నిర్వహించి వారి కారణంగా  వారి కుటుంబ సభ్యులు, బంధువులు, ఆ ప్రాంతంలో నివసిస్తున్న వారికి కరోనా ముప్పు లేకుండా చూసేందుకే ఈ విజ్ఞప్తి చేస్తున్నట్టు పేర్కొన్నారు.